Cofnodion - Y Pwyllgor Busnes

Lleoliad:

Ystafell Gynhadledd 4B - Tŷ Hywel

Dyddiad: Dydd Mawrth, 24 Chwefror 2026

Amser: 08.56 - 09.31

Preifat, Hybrid

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Paul Davies AS Heledd Fychan AS Jane Hutt AS
Staff y Pwyllgor:	Graeme Francis (Clerc) Steffan Lewis (Dirprwy Glerc)
Eraill yn bresennol	David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Julian Luke, Cyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Marc Wyn Jones, Pennaeth Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

Croesawodd y Llywydd yr Aelodau i'r cyfarfod. Ni chafwyd ymddiheuriadau.

</AI1>

<AI2>

2 Cofnodion y Cyfarfod Blaenorol

Cytunwyd ar gofnodion y cyfarfod blaenorol i’w cyhoeddi. 

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Nododd y Pwyllgor Busnes y newidiadau a ganlyn:

• Cynnig Cydsyniad Deddfwriaethol: Y Bil Troseddu a Phlismona (15 0 munud) - wedi'i ohirio tan 10 Mawrth

• Caiff y Cyfnod Pleidleisio ei gynnal fel yr eitem olaf o fusnes
• Nid yw'r Cyfarfod Llawn yn debygol o fynd y tu hwnt i 7.45pm.

Gofynnodd Heledd Fychan a yw'r Llywodraeth yn bwriadu cyflwyno datganiad llafar ar y weledigaeth ar gyfer rheilffyrdd ledled Cymru yn dilyn y datganiad ysgrifenedig ar y pwnc hwn a gyhoeddwyd ddoe. Cytunodd y Trefnydd i ystyried y mater.

Cafodd y Pwyllgor Busnes ddiweddariad ar y trafodaethau a gynhaliwyd ynghylch y ddadl cydsyniad deddfwriaethol ar y Bil Oedolion Terfynol Sâl (Diwedd Oes) yng nghyfarfod y Pwyllgor Deddfwriaeth, Cyfiawnder a'r Cyfansoddiad y diwrnod cynt.

Dydd Mercher

• Caiff y Cyfnod Pleidleisio ei gynnal cyn y Ddadl Fer.  
• Nid yw'r Cyfarfod Llawn yn debygol o fynd y tu hwnt i 7.25pm.

Trafododd a nododd y Rheolwyr Busnes y trefniadau ar gyfer pan fydd y Cyfarfod Llawn yn dychwelyd i'r Senedd o'r wythnos hon ymlaen.

</AI4>

<AI5>

3.2 Busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 3 Mawrth 2026

• Cynnig Cydsyniad Deddfwriaethol: Y Bil Lles Plant ac Ysgolion (30 munud) – wedi'i ohirio tan 17 Mawrth

Dydd Mawrth 10 Mawrth 2026

• Rheoliadau Cynrychiolaeth y Bobl (Cael Gwared ar y Gofrestr Olygedig) (Cymru) 2026 (10 munud)
• Cynnig o dan Reol Sefydlog 12.24 i gynnal dadl ar yr eitemau canlynol gyda’i gilydd ond gyda phleidleisiau ar wahân (15 munud)
• • Rheolau Etholiadau Lleol (Cymru) (Diwygio) 2026
  • Gorchymyn Deddf Cynrychiolaeth y Bobl 1983 (Eithrio Treuliau Diogelwch) (Diwygio) (Cymru) 2026
• Rheoliadau Deddf Cafael 2023 (Cytundebau Masnach Ryngwladol) (Diwygio) (Cymru) 2026 (5 munud)
• Cynnig Cydsyniad Deddfwriaethol: Y Bil Troseddu a Phlismona (15 munud).
• Cyfnod terfynol y Bil Cynllunio (Cymru) a’r Bil Cynllunio (Darpariaethau Canlyniadol) (Cymru) (15 munud)

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunodd y Rheolwyr Busnes ar y newidiadau canlynol i amserlen Busnes y Senedd ar gyfer y tair wythnos nesaf:

Dydd Mercher 18 Mawrth 2026 –

• Cynnig i gymeradwyo’r Canllawiau i Aelodau o'r Senedd ar gofrestru, datgan a chofnodi buddiannau ariannol a buddiannau eraill (15 munud)
• Dadl ar adroddiad y Pwyllgor Plant, Pobl Ifanc ac Addysg: Recriwtio a Chadw Athrawon (60 munud)
• Dadl ar adroddiad y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol: Strategaeth Ryngwladol Llywodraeth Cymru (60 munud)
• Dadl ar adroddiad y Pwyllgor Cyfrifon Cyhoeddus a Gweinyddiaeth Gyhoeddus: Ystyried Adroddiad Modiwl 1 Ymchwiliad COVID-19 y DU (60 munud)
• Amser a neilltuwyd i Blaid Cymru (60 munud)
• Dadl Fer: Hannah Blythyn AS (Delyn) (30 munud)

Ystyriodd y Pwyllgor Busnes gais gan Mark Isherwood AS i drefnu'r ddadl a'r bleidlais ar Gyfnod 4 y Bil Iaith Arwyddion Prydain (Cymru) yn gynharach yn y trafodion ar 11 Mawrth. Cytunodd y Rheolwyr Busnes i ofyn am ragor o wybodaeth gan yr Aelod ynghylch y rhesymau dros y cais.

</AI6>

<AI7>

4 Deddfwriaeth

</AI7>

<AI8>

4.1 Llythyr gan y Pwyllgor Llywodraeth Leol a Thai mewn perthynas â'r Memorandwm Cydsyniad Deddfwriaethol Atodol (Rhif 2) ar y Bil Cynlluniau Pensiwn

Nododd y Pwyllgor Busnes y llythyr.

</AI8>

<AI9>

4.2 Diweddariad ar Femoranda Cydsyniad Deddfwriaethol

Cytunodd y Pwyllgor Busnes i:

• ymestyn y dyddiad cau ar gyfer adrodd ar y Bil Lles Plant ac Ysgolion i 16 Mawrth 2026;
• ymestyn y dyddiad cau diwygiedig ar gyfer adrodd ar gyfer y Bil Troseddu a Phlismona i 10 Mawrth 2026.

</AI9>

<AI10>

5 Gwaith Gweithdrefnol

</AI10>

<AI11>

5.1 Pleidleisio o bell yn y Cyfarfod Llawn

Dychwelodd y Pwyllgor Busnes i ystyried adborth gan grwpiau gwleidyddol ar opsiynau ar gyfer newidiadau yn y dyfodol i drefniadau ar gyfer pleidleisio o bell yn ystod y Cyfarfod Llawn, yn dilyn ystyriaeth flaenorol yn y cyfarfod ar 3 Chwefror.

Dywedodd Heledd Fychan fod grŵp Plaid Cymru yn cefnogi cadw pleidleisio o bell a chyfranogiad o bell mewn trafodion y Cyfarfod Llawn. Mae'r grŵp yn agored i'w gwneud yn ofynnol i Aelodau ddewis un dull o gyfranogi fesul pob Cyfarfod Llawn a/neu gyflwyno terfyn ar nifer, neu gyfran, yr Aelodau sy'n gallu pleidleisio o bell, gyda mesurau diogelwch priodol i sicrhau y gellir amddiffyn anghenion penodol Aelodau sydd â gofynion ychwanegol neu gyfrifoldebau gofalu.

Cadarnhaodd y Trefnydd fod grŵp Llafur Cymru hefyd yn cefnogi cadw pleidleisio o bell a chyfranogiad o bell. Dywedodd y Trefnydd fod mwyafrif o fewn y grŵp o blaid cadw'r trefniadau presennol, gyda rhywfaint o gefnogaeth yn cael ei mynegi i'w gwneud yn ofynnol i Aelodau ddewis un dull o gyfranogi fesul Cyfarfod Llawn oni bai bod amgylchiadau eithriadol yn berthnasol.

Ailadroddodd Paul Davies fod grŵp y Ceidwadwyr Cymreig o blaid terfynu’r trefniadau ar gyfer cyfranogiad o bell a phleidleisio o bell.

Cytunodd y Pwyllgor Busnes i:

• gadw'r gweithdrefnau presennol ar gyfer pleidleisio o bell a chyfranogiad o bell am yr amser sy'n weddill yn y Chweched Senedd; ac
• ystyried canllawiau posibl a fyddai'n ei gwneud yn ofynnol i Aelodau ddewis un dull o gyfranogi fesul cyfarfod Llawn cyn gwneud penderfyniad ar y canllawiau terfynol i'w trosglwyddo i'r Seithfed Senedd.

</AI11>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>